Oko stotinu učenika OŠ “Dašo Pavičić“ iz pet odjeljenja drugog razreda posjetilo je jutros Vatrogasni dom u Meljinama, gdje su im pripadnici Službe zaštite i spašavanja izveli pokazne vježbe upotrebe pjenila i vode sa vatrogasnih vozila, kao i zvučne i svjetlosne signalizacije, te vatrogasne opreme prilikom akcija gašenja požara.

Održana su im i predavanja o načinu funkcionisanja Službe zaštite i spašavanja, broju 123 za dojavu eventualnih požara, kao i opasnostima koje ih mogu eventualno ugroziti prilikom požara i postupcima koje trebaju preduzeti u takvim situacijama.

Uz veliko oduševljenje učenika prikazanim i dobro raspoloženje, ova posjeta se može okarakterisati kao veoma uspješna i edukativna za učenike, navode iz Službe zaštite i spašavanja Herceg Novi.